कतारमा सबै देशका कामदारका लागि एउटै न्यूनतम तलब कानुनले तोकेको छ। यो नियम घरेलु कामदारलगायत सबै निजी क्षेत्रका कामदारमा लागू हुन्छ। कुनै पनि कम्पनीले यसभन्दा कम तलब दिन पाउँदैन।
कानुनले तोकेको न्यूनतम तलब (मासिक)
| के | न्यूनतम रकम | कहिले पाइन्छ |
|---|---|---|
| बेसिक तलब | QAR 1,000 | सबै कामदारले |
| खाना भत्ता | QAR 300 | कम्पनीले खाना नदिएमा |
| बस्ने भत्ता | QAR 500 | कम्पनीले बस्ने ठाउँ नदिएमा |
| खाना र बस्ने दुवै नदिएमा जम्मा | QAR 1,800 |
नेपाल सरकारले पहिले तोकेको तलब (सन्दर्भका लागि)
नेपाल सरकारले सन् २०१३ मा कतार जाने कामदारका लागि छुट्टै न्यूनतम तलब तोकेको थियो: अदक्ष QAR 900 + खाना 300, अर्धदक्ष QAR 1,100, दक्ष QAR 1,500, र पेसाकर्मी QAR 4,200 + खाना 500। अदक्षको तलब कतारको अहिलेको कानुनभन्दा कम भएकाले अब कतारको QAR 1,000 नै लागू हुन्छ। अर्धदक्ष र दक्ष कामका लागि भने डिमान्डमा यसभन्दा कम तलब नलेखिएको हुनुपर्छ।
मेरो तलब नियमअनुसार छ कि छैन?
ध्यान दिनुहोस्: ओभरटाइम, बोनस र अन्य भत्ता न्यूनतम तलबमा गनिँदैनन्। बेसिक तलब नै कम्तीमा QAR 1,000 हुनुपर्छ। कम्पनीले दिने खाना र बस्ने ठाउँ पर्याप्त र सुरक्षित हुनुपर्छ।
विदेश जानुअघि यी कुरा जाँच्नुहोस्
- नेपालमा देखाइएको करार र कतारमा ADLSA मा दर्ता हुने करारमा तलब एउटै हुनुपर्छ।
- तलब बैंक खातामार्फत (Wage Protection System) आउँछ कि आउँदैन हेर्नुहोस्।
- कम तलब दिइएमा श्रम मन्त्रालयको 16008 मा वा SMS 92727 मा उजुरी गर्नुहोस्, वा राजदूतावास (eondoha@mofa.gov.np) मा सम्पर्क गर्नुहोस्।
यो पनि हेर्नुहोस्: ओभरटाइम र ग्र्याच्युटी क्याल्कुलेटर · कतारका महत्त्वपूर्ण नम्बरहरू
स्रोत: CESLAM · Nepali Times · Republica (नेपालको २०१३ को तलब). तलब परिवर्तन भएको थाहा पाउनुभयो भने news@khadinews.com मा जानकारी दिनुहोस्।