कुवेत सरकारले निजी क्षेत्रका कामदारका लागि न्यूनतम तलब KWD 75 तोकेको छ। तर नेपाली राजदूतावासले नेपाली कामदारका लागि यसभन्दा बढी तलब तोकेको छ। राजदूतावासले तोकेभन्दा कम तलब लेखिएको डिमान्ड प्रमाणित हुँदैन।
नेपाली राजदूतावासले तोकेको बेसिक तलब (मासिक)
| सीपको स्तर | बेसिक तलब | खाना भत्ता |
|---|---|---|
| अदक्ष: क्लिनर, हेल्पर, बेल म्यान, रुम अटेन्डेन्ट आदि | KWD 100–120 | KWD 30 |
| अर्धदक्ष: एसी मेकानिक, केबलिङ टेक्निसियन आदि | KWD 110–180 | KWD 30 |
| दक्ष: क्लर्क, ग्राफिक डिजाइनर आदि | KWD 150–380 | — |
| पेसाकर्मी: इन्जिनियर, डाक्टर आदि | KWD 300–650 | केही पदमा KWD 50 |
तलब कामअनुसार फरक हुन्छ, त्यसैले दायरा दिइएको छ। खाना नदिने कम्पनीले खाना भत्ता बेसिक तलबमा थप्नुपर्छ।
मेरो तलब नियमअनुसार छ कि छैन?
ध्यान दिनुहोस्: यो तलब तालिका राजदूतावासले धेरै अघि (२०१८ तिर) प्रकाशित गरेको हो, र यसमा प्रकाशित मिति लेखिएको छैन। तलबको दायरामा सबैभन्दा कम अंक मात्र जाँच्ने सुविधामा प्रयोग गरिएको छ, तर तपाईँको कामका लागि तोकिएको तलब योभन्दा बढी हुन सक्छ। घरेलु कामदारका लागि कुवेत सरकारको छुट्टै न्यूनतम तलब (KWD 60) र छुट्टै कानुन लागू हुन्छ। नयाँ तलब तालिका आएमा यो पेज अपडेट गरिनेछ।
विदेश जानुअघि यी कुरा जाँच्नुहोस्
- नेपालमा देखाइएको करार र कुवेतमा PAM मा दर्ता हुने करारमा तलब एउटै हुनुपर्छ।
- तलब, खाना, बस्ने ठाउँ, कामको घण्टा र ओभरटाइम करारमा लिखित रूपमा हुनुपर्छ।
- कम तलब दिइएमा PAM मा उजुरी गर्नुहोस्, वा राजदूतावासको हटलाइन 6100 8956 वा इमेल eonkuwait@mofa.gov.np मा सम्पर्क गर्नुहोस्।
यो पनि हेर्नुहोस्: ओभरटाइम र सेवा अन्त्य सुविधा क्याल्कुलेटर · कुवेतका महत्त्वपूर्ण नम्बरहरू
स्रोत: नेपाली राजदूतावास, कुवेत – तलब तालिका · Truein (कुवेतको न्यूनतम ज्याला). तलब परिवर्तन भएको थाहा पाउनुभयो भने news@khadinews.com मा जानकारी दिनुहोस्।