ध्यान दिनुहोस्: यो अनुमानित हिसाब हो। तपाईँको करार, कम्पनीको नियम र बाँकी ऋण/कट्टीले अन्तिम रकम फरक पार्न सक्छ। घरेलु कामदार (हाउसमेड, ड्राइभर आदि), DIFC/ADGM फ्रि जोन र सरकारी कर्मचारीका लागि नियम फरक छन्। विवाद भएमा MOHRE (600 590000) वा नेपाली दूतावासमा सम्पर्क गर्नुहोस्।
नियम छोटकरीमा
- सामान्य कामको समय: दिनको ८ घण्टा वा हप्ताको ४८ घण्टा। ओभरटाइम दिनको २ घण्टाभन्दा बढी लगाउन मिल्दैन (धारा १७ र १९)।
- ओभरटाइम: बेसिक तलबको घण्टा दर + कम्तीमा २५%। राति १० देखि बिहान ४ सम्म + कम्तीमा ५०% (सिफ्टमा काम गर्नेलाई यो लागू हुँदैन)।
- बिदाको दिन काम: अर्को दिन सट्टा बिदा, वा त्यो दिनको तलब + कम्तीमा ५०%।
- घण्टा दर: बेसिक ÷ ३० ÷ ८ (चलनचल्तीको तरिका)।
- ग्र्याच्युटी: कम्तीमा १ वर्ष लगातार काम गरेपछि मात्र पाइन्छ। पहिलो ५ वर्ष हरेक वर्षको २१ दिनको बेसिक, त्यसपछि हरेक वर्षको ३० दिनको बेसिक। नपुगेको वर्षको पनि दामासाहीले पाइन्छ। कुल रकम २ वर्षको तलबभन्दा बढी हुँदैन (धारा ५१)।
- राजीनामा दिए पनि: नयाँ कानुन (फेब्रुअरी २०२२ देखि) अनुसार राजीनामा दिँदा ग्र्याच्युटी घट्दैन।
- बिना तलबको बिदा: सेवा अवधिबाट घटाइन्छ।
स्रोत: संघीय आदेश–कानुन नं. ३३/२०२१ (UAE Legislation) · MOHRE. त्रुटि भेटे news@khadinews.com मा जानकारी दिनुहोस्।